Молитва блаженным Василию и Иоанну, юродивым Московским

О угодницы Христовы, преблаженне Василие и Иоанне! Услышите ны, многогрешныя ныне вопиющия к вам: помилуйте нас, раб Божиих (имена) умилосердитеся над убожеством нашим, и молитвами вашими исцелите всяк недуг и болезнь души и тела нашего грешнаго, и сподобите ны течение жизни сея невредимо от видимых и невидимых враг и безгрешно прейти, и христианскую кончину непостыдну, мирну, безмятежну, и Небеснаго Царствия наследие получити со всеми святыми во веки веков.