Молитва мученику Лаврентию Римскому

О пресвятый и предивный страстотерпче Христов, архидиаконе Лаврентие! Восхваляюще веру и страдания твоя, почитаем победу и венценосное прохождение твое горящее углие от тьмы века сего ко свету невечернему Престола Величествия Божия. Тем же убо молим тя: якоже древле притекавшия с верою к покрову твоему чудесы твоими утвердил еси, тако да приимеши и нас под покров твой, и в болезни и в печалех наших заступник нам да будеши и якоже от слепоты телесных очес Крискентиана преложением рук исцелил еси, тако да исцелиши предстательством твоим у Престола Божия и нашу душевную слепоту. Призри на разслабление наше телесное и душевное, и укрепи нас бодренностию противу враг наших ви-димых и невидимых, удручающих нас напастьми, да твоею помощию путь маловременныя жизни сея прешедше, непобеждени от бед и скорбей и всякаго лютаго обстояния, достигнем непреступныя славы величествия Божия, идеже предстоя, молишися со дерзновением за люди прибегающия с верою к тебе и воспевающия дивнаго во святых Бога Израилева во веки веков. Аминь.

Молитва святителю Лаврентию, епископу Туровскому
Молитва праведному Лаврентию, Христа ради юродивом...
 

Комментарии

Здесь еще нет ни одного комментария!
Гость
16.12.2019
Copyright © Православная-Библиотека.Ru 2009-2018
Все права защищены.