Молитва преподобной Афанасии, игумении

О святая угоднице Божия, преподобная мати Афанасие! Подвигом добрым подвизавшися на земли, восприяла еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемило-стивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Молитва преподобному Ахиле, диакону Печерскому
Молитвы преподобному Афанасию Серпуховскому
 

Комментарии

Здесь еще нет ни одного комментария!
Гость
25.03.2019
Copyright © Православная-Библиотека.Ru 2009-2018
Все права защищены.