Молитва преподобному Феодору Студиту

Преподобный Феодор Студит

О священная главо, преподобне отче, преблаженне авво Феодоре! Не забуди убогих твоих до конца, но поминай нас всегда во святых твоих и благоприятных молитвах к Богу! Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю; не премолчи за ны ко Господу, и не презри нас, верою и любовию чтущих тя. Поминай нас недостойных у Престола Вседержителя, и не престай моляся о нас ко Христу Богу: ибо дана тебе бысть благодать за ны молитися.

Не мним бо тя суща мертва: аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих и всякия прелести бесовския и козней диавольских, пастырю наш добрый. Аще бо и мощей твоих рака пред очима нашима видима есть всегда, но святая твоя душа со Ангельскими воинствами, со Безплотными лики, с Небесными силами, у Престола Вседержителева предстоящи, достойно веселится. Ведуще убо тя воистинну и по смерти жива суща, тебе припадаем и тебе молимся: молися о нас Всесильному Богу, о пользе душ наших, и испроси нам время на покаяние, да невозбранно прейдем от земли на небо, от мытарств же горьких, бесов, воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Богу нашему Иисусу Христу; Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.

Молитвы святому праведному Феодору Ушакову
Молитва великомученику Феодору Стратилату
 

Комментарии 1

Гость - Надежда в 08.02.2020 06:27

Слава Господу за сайт! Слава Богу за милость, что я инвалид могу учиться Богословию на дому и получать всё необходимое для духовного назидания и жизни во Христе. За эти сокровища Божией Премудрости, которые Господь открыл через Интернет. Наш век наилучший.Сокровищница открыта, доступно для жаждущих, приходи и пей с ненасытимой жаждою познания Путей Господних, получай опыт древних святых Светильников веры, участвуй в молитвах и бдении. Слава Богу за этот мир! Аминь. Радость бытия доступно всем!

Слава Господу за сайт! Слава Богу за милость, что я инвалид могу учиться Богословию на дому и получать всё необходимое для духовного назидания и жизни во Христе. За эти сокровища Божией Премудрости, которые Господь открыл через Интернет. Наш век наилучший.Сокровищница открыта, доступно для жаждущих, приходи и пей с ненасытимой жаждою познания Путей Господних, получай опыт древних святых Светильников веры, участвуй в молитвах и бдении. Слава Богу за этот мир! Аминь. Радость бытия доступно всем!
Гость
29.10.2020
Copyright © Православная-Библиотека.Ru 2009-2020
Все права защищены.