Молитва преподобному Ферапонту Монзенскому

Преподобный Ферапонт Монзенский

О, преподобный отче, великий заступниче, скорый услышателю, угодниче Божий и чудотворче Ферапонте! Не забуди ны, якоже обещался еси, посещай чада твоя; аще бо и отшел еси от нас телом, но духом присно с нами пребываеши. Молим убо тя, о, преподобне отче: избави ны от огня и меча, от нашествия иноплеменных и междоусобныя брани и от тлетворных ветров и от внезапныя смерти и от всех прилог вражиих, находящих на ны.

Услыши ны грешныя, приими молитву и моление наше, еже к тебе, яко кадило благовонное и яко жертву благоприятную, приносим. Умерщвленныя злыми делы, словесы и помышленьми души наша, преподобне отче, оживи и возстави. И якоже многи приходящыя к цельбоносному твоему гробу с верою, всякими скорбьми и болезньми люте страждущыя исцелил еси, тако и нас исцели от недугов душевных и телесных. Исторгни нас из глубины согрешений и на путь покаяния настави, милостивым твоим предстательством от видимых и невидимых враг избавляя. Помози нам в житии сем и во исходе душ наших и в будущей жизни, во веки веков. Аминь.

Молитва святому апостолу Филиппу
Молитва преподобному Ферапонту Белоезерскому
 

Комментарии

Здесь еще нет ни одного комментария!
Гость
27.06.2019
Copyright © Православная-Библиотека.Ru 2009-2018
Все права защищены.