Молитва преподобному Герману, Соловецкому чудотворцу

О преподобне и богоносне отче наш Германе, безмолвнаго иноческаго жития во острове Соловецтем первоначальниче! Молим тя мы недостойниии, обстояще честный гроб твой, имже, купно с чудотворными раками преподобных отец наших Зосимы и Савватия, освящается и прославляется богоизбранное место сие: буди с ними, угодники Божиими и всея Российския земли небесными предстательми, молитвенник и ходатай о нас грешных пред престолом Вседержителя Бога, Емуже в дерзновении предстоиши со Ангелы и всеми святыми, да дарует нам, яко благий и человеколюбивый, вся потребная к животу и благочестию, душам и телесем нашим здравие, во всех благих преспеяние и Свою всесильную помощь во всяких искушениих, бедах же и напастех, воздвизаемых на ны от враг спасения нашего: обители твоей моли избавитися от всякаго злаго обстояния, и приходящим в ню ближним и дальним получити вся просимая ко душевней и телесней пользе. Наипаче же испроси, угодниче Христов, всем нам грехов отпущение, христианскую кончину жития и наследие царства небеснаго у Христа Бога нашего, Емуже есть и слава со Отцем и Святым Духом, ныне и присно и во веки веков. Аминь.

Молитвы святой праведной Гликерие, деве Новгородск...
Молитва святителю Герману, архиепископу Казанскому...
 

Комментарии

Здесь еще нет ни одного комментария!
Гость
25.06.2019
Copyright © Православная-Библиотека.Ru 2009-2018
Все права защищены.