Молитва Собору Соловецких святых, чудотворцев

Собор Соловецких святых

О Божественный полче, Небеснии воини Христа Бога, преподобнии и богоноснии отцы Соловецтии! Вы первее ралом евангельских учений души своя плодоносны явили есте, послежде и неплодную пустыню сию, яко благоцветущий рай соделали есте. И явилися есте жертвы благоприятныя Богу, преобразившеся умным деланием, во Свете Невечернем узрели есте будущей жизни славу. И Божественным огнем души своя возжегосте, востекли есте в Сион Горний и Нетварнаго Света причастилися есте.

Темже и нам, на земли сущим, ходатайствуете душам спасение, земных плодов изобилие, времена мирна, блага. Да и мы, недостойнии, направляемии вашими молитвами поне, на конец нашего многомятежнаго жития, возлюбим вечное паче временнаго, и в свой единодесятый час поработаем с усердием Небесному Домовладыке Христу, и услышим Его благоуветливый глас: "Приидите, наследуйте уготованное вам Царство от сложения мира". И мы с сердечным благодарением пролиемся слезами неизреченной радости и восхвалим Великое и Достопоклоняемое Имя Отца и Сына и Святаго Духа ныне, и присно, и во веки веков. Аминь.

Молитвы святым сорока мученикам Севастийским
Молитвы Собору двенадцати Апостолов
 

Комментарии

Здесь еще нет ни одного комментария!
Гость
20.08.2019
Copyright © Православная-Библиотека.Ru 2009-2018
Все права защищены.