Молитва святителю Стефану Сурожскому

Святитель Стефан Сурожский

О священная главо, крепкий наш молитвенниче и заступниче, святителю отче Стефане, услыши нас, с верою и любовию призывающих тя. Поминай нас у престола Вседержителева и не престай молитися за нас. Испроси предстательством твоим у всемилостивейшаго Спаса нашего: мир церкви его, пастырем Божиим ревность и силу, православней стране нашей мир и спасение. Умоли небеснаго Отца всем подати коемуждо благопотребен дар: веру истинную, надежду твердую, любовь неоскудную, градов наших утверждение, мира умирение, от глада и губительства избавление, от нашествия иноплеменников сохранение, юным благое в вере возрастание, старым и немощным утешение и укрепление, болящим исцеление, сирым и вдовицам милость и заступление, бедствующим помощь. Не посрами нас во уповании нашем, споспешествуй, яко отец чадолюбивый, и нам понести благое иго Христово во благодушии и терпении и всех нас управи в мире и покаянии непостыдно живот свой скончати и царствия Божия наследницы быти, идеже ты ныне водворяешися со ангелы и всеми святыми, выну хваля Бога в Троице славимаго, Отца и Сына и Святаго Духа. Аминь.

Молитва преподобному Стефану Махрищскому
Молитвы святителю Софронию Иркутскому
 

Комментарии

Здесь еще нет ни одного комментария!
Гость
21.01.2019
Copyright © Православная-Библиотека.Ru 2009-2018
Все права защищены.