Молитва к Пресвятой Богородице перед Ея иконой, именуемой "Мателикийская"

О, Пресвятая Владычице и Богородице, высшая Херувим и честнейшая Серафим, Богоизбранная Отроковице, всех скорбящих радосте! Подаждь утешение и нам, в скорби сущим: разве бо тебе инаго прибежища и помощи не имамы. Ты Едина еси радости нашея Ходатаица, и яко Матерь Божия и Мати милосердия, предстоящи у престола Пресвятыя Троицы, можеши нам помощи: никтоже бо притекаяй к тебе посрамлен отходит. Услыши убо и нас ныне, в день скорби, пред твоею иконою припадающих и со слезами тебе молящихся: отжени от нас належащия на нас скорби и печали в сей временней жизни, не лишены же ны сотвори Твоим всесильным ходатайством и вечныя, нескончаемыя радости в Царствии Сына Твоего и Бога нашего. Аминь.