Молитва к святым преподобномученицам Варваре и Елисавете

О святыя новомученицы Российская, святая великая княгине Елисавето, скончавшая царственный путь твой с Варварою, о Господе сестрою твоею крестовою, Евангельския заповеди делом во обители Милосердия совершившия, веры ради Православная подвизаяся до смерти в последняя времена сия, и добрый плод в терпении страстей Христу принесшия. Молитеся Ему, яко Победителю смерти, да утвердит Церковь Русскую Православную и Отечество наше, кровию и страданиями новомучеников искупленныя и не даст в расхищение врагом России достояния нашего. Се бо лукавый враг вооружися на ны, хотя нас погубити в междоусобных бранех, скорбех, нестерпимых печалех, болезнех, нуждах и бедах лютых. Умолите Господа низложити вся немощныя дерзости их; веру в сердцах людей российских укрепите, да егда найдет на ны испытания час, мужества дар восприимем вашими молитвами, отвергшися себе и вземши крест свой, последуем Хрис-ту, распиная плоть свою со страстьми и похотьми. Сохраните нас от всякаго зла, освятите пути жизни нашея, даруйте искреннее покаяние, тишину и мир душам нашим, испросите у Господа всем нам мытарств горьких и вечныя муки избавитися и Небесному Цар-ствию наследником быти со всеми святыми, от века угодившими Богу, да радующеся воздадим хвалу, честь и поклонение Отцу и Сыну и Святому Духу во веки веков. Аминь.

Молитва преподобному Варлааму Керетскому
Молитвы ко святой великомученице Варваре
 

Комментарии

Здесь еще нет ни одного комментария!
Гость
21.03.2019
Copyright © Православная-Библиотека.Ru 2009-2018
Все права защищены.